病毒名稱：Love at the first sight
病徵：
患者未接觸到帶有此病患者前會處於一個潛伏期的狀態，生活如正常人一樣，但某日中毒時就會好似火山爆發，一發不可收拾。
發病時候既病徵：
一有時間就返房MSN打電話，一有想見佢既機會就會老遠都「飛」去搵佢，所有同佢可以有Contact既機會都唔會放過，總之搵唔到佢就痴晒線，成日食唔安訓唔落，俗語話食「龍肉都無味」就係差唔多意思。
病毒傳播方法：
同帶有呢種病毒既人（即你一生中最愛既人）有過接觸之後，即使係一個少少既眼神接觸，都會100%有機會感染。
預防方法：
將自己收係一個永遠都不見天日既地方「千其唔好有陽光」（因為細菌係陽光下既生長速度會係正常既8倍），唔好同任何人接觸。但現今科技發達都幾難做到，所以係（避無可避）。
過去無數年病例：
無數咁多「一對對」既人受到感染，大多數都知無得醫所以直頭走去結婚，直到白金婚（70年）以上。保守估計全球最少有50%以上既人係病患者。
醫治方法：
請盡快搵到一個有呢種病毒既人，當你受到感染既時候就唔洗怕再次受感染。（即係「無得醫」）
如各位有以上徵狀請盡快就醫，雖然無得醫，不過我諗中左呢種病毒既人都應該幾開心，唔洗醫喇！
我就已經「中毒」中到深，你呢？
留言